मल्लाजमा नेकपाको शोकसभा

 

जलजला, ७ जेठ । तत्कालीन एमाले र माओवादी केन्द्रको एकतापछि हालै घोषणा भएको नेपाल कम्युनिष्ट पार्टी जलजला गाउँपालिका ४ वडा कमिटिको आयोजनामा आईतबार मल्लाजमा शोकसभा सम्पन्न भएको छ ।

पार्टीका सदस्य एवं भुपु सैनिकका केन्द्रिय सचिवालय सदस्य चन्द्रबहादुर, सामाजिक अगुवा बलबहादुर र स्वर्गीय सूर्यबहादुर घर्ती क्षेत्रीकी आमा नैनकली जिसीको १२ औ पुण्यतिथी पारेर शोकसभा गरिएको हो ।

जिसीको बैशाख २६ गते ९० वर्षको उमेरमा निधन भएको थियो । टेकबहादुर जिसीको अध्यक्षता, धनपती सुवेदीको सञ्चालनमा सम्पन्न कार्यक्रममा नेकपाका नेता लालबहादुर अधिकारी, बाबुराम कार्की र परिवारका सदस्यको तर्फबाट चन्द्रबहादुर घर्ती क्षेत्रीले मन्तब्य व्यक्त गर्नुभएको थियो ।