धवलागिरि गाउँपालिकाद्धारा पत्रकार गौतम सहित खेलाडी,कलाकार र कर्मचारी पुुरस्कृत

  • २६ पुष २०८०, बिहीबार
  • 267 पटक पढिएको

म्याग्दी, २६ पुस । म्याग्दीको धवलागिरी गाउँपालिकाले पत्रकार, खेलाडी, कलाकार र उत्कृष्ट कर्मचारीहरुलाई पुरस्कृत गरेको छ । मुुना स्थित गाउँपालिकाको कार्यालयमा बिहिबार भएको २१ औ गाउँसभाका अवसरमा धवलागिरी गाउँपालिकामा जन्मिएर विभिन्न क्षेत्रमा योगदान गरेका व्यक्तित्वहरुलाई सम्मान गरेको हो ।

नेपाल पत्रकार महासंघ म्याग्दीका सचिब सन्तोष गौतम, लोक गायक खड्ग गर्बुुजा र अपाङ्गता भएकाहरुबीच हुुने अन्तराष्ट्रिय खेलकुुद प्रतियोगितामा पदक दिलाएका केशव थापा लाई नगद सहित सम्मान गरिएको हो । गौतम, गर्बुजा र थापालाई नगद दश हजार पाँच सय रुपैयाँ सहित दोसल्ला ओढाएर प्रशंसापत्र प्रदान गरिएको थियो ।

धवलागिरी गाँउपालिका–७ ताकममा जन्मिएका गौतम १७ वर्षदेखि पत्रकारितामा क्रियाशिल हुनुहुन्छ । यानीमाया, सालैजो, सुनिमाया लगायत म्याग्दी आसपासका लोकभाकालाई स्थापित गराउन योगदान गर्नुभएका गर्बुजाको जन्मथलो धवलागिरी गाउँपालिका–६ मराङ हो । ह्वीइल चियरमा बसेर खेलीने अन्तराष्ट्रिय टेवल टेनिस खेलमा नेपाललाई स्वर्ण पदक दिलाएका ३२ वर्षीय केशवको जन्मथलो धवलागिरी गाउँपालिका–७ धारापानी हो ।

धवलागिरी गाउँपालिकाका अध्यक्ष प्रेमप्रसाद पुुन, प्रमुख जिल्ला अधिकारी लक्ष्मण ढकाल, गाउँपालिकाका उपाध्यक्ष रेशम पुुनमगरले पुुरस्कार वितरण गगर्नुभएको थियो । यसैगरी गाउँपालिकाको प्राबिधिक शाखाका प्रमुुख लोकेन्द्र रावल, लेखा शाखा प्रमुख तिलक शंकर पौडेल, शिक्षा शाखाका प्रमुुख ख्यामराज सुुवेदी, वडा सचिव बेदनाथ सुुवेदी र कार्यालय सहयोगी सतदेवी जुुग्जालीलाई पनि नगद सहित पुुरस्कृत गरिएको प्रमुख प्रशासकीय अधिकृत कृष्णप्रसाद सुुवेदीले जानकारी दिनुभयो ।

केही दिनअघि बेनीमा भएको जिल्ला स्तरीय राष्ट्रपति रनिङ्ग शिल्ड खेलकुद प्रतियोगितामा सहभागी भएर पदक दिलाएका खेलाडीहरुलाई समेत पुुरस्कृत गरिएको छ । प्रतियोगितामा धवलागिरीका १८ जना खेलाडीले १८ वटा पदक जितेका थिए । उनिहरुलाई ३२ हजार रुपैयाँ नगद पुुरस्कार वितरण गरिएको हो । कलाकार गर्बुजाले लोक भाकामा स्थानीयबासीलाई नचाउनुभएको थियो ।