बोयर बाख्रा पालनबाट राम्रो आम्दानी

 

म्याग्दी, १६ कात्तिक। म्याग्दीको बेनी नगरपालिका–३, भकिम्ली डाँडाखानीमा विगत १२ बर्षदेखि बाख्रा पालन गर्दै आएका धन श्रीसले बोयर जातको बाख्रा पालनबाट राम्रो आम्दानी गर्न सफल हुनुभएको छ । श्रीस पशुपालन तथा बहुउद्देश्यीय कृषि पार्म प्रा.लि.बाट बाख्रा पालन सुरु गरेका श्रीसले बोयर जातका सत प्रतिशत शुद्ध पाठापाठी उत्पादन गरेर नेपालभरी बिक्रि गर्दै आउनुभएको छ ।

उहाँले दूई/तीन बर्ष पहिल्य बोयरका बोका र पाठीलाई दूई लाख मूल्यमा विक्रि हुदाँ बार्षिक ६० लाख रुपैयाँको कारोबार गर्नुहुन्थ्यो भने अहिले मूल्य घटेर प्रतिवटा ८० हजार रुपैयाँ आउदाँ आम्दानी केही घटेको बताउनुभयो । श्रीसले आफ्नो फार्ममा करिव दुई करोड लगानी रहेको बताउनुभयो । छिटो–छिटो हुर्कने बोयर बाख्रा पालन गर्दै आएका श्रीसको फार्ममा अहिल्य ३५ वटा बाख्रा छन् । अहिल्य बोयरको विक्रिबाट बार्षिक कारोबार २०/२५ लाखको कारोबारे श्रीसले गर्दै आएका छन् ।

फार्ममा पाठाहरु जन्माउने १५ वटा माउ बाख्रा छन् । अन्य साना पाठापाठी छन् । अहिल्य दुई नश्ल सुधारका दुईवटा बोका फार्ममा पालिरहेका उहाँले जानकारी दिनुभयो । “दूईबर्ष पहिल्य फार्ममा एकसय जति शुद्ध बोयर थिए । माग पनि राम्रो थियो । आम्दानी मनग्य गर्न सफल भएको थियो”, उहाँले भन्नुभयो । “अहिल्य देशमा युवारुको कमिले गर्दा उन्नतजातको बाख्रापालन माग घट्दै गएको हुदाँ विक्रि पहिल्यजस्तो भएको छ्रैन् । अहिल्य मूल्य घटेको छ । छिटो राम्रो आम्दानी गर्नका लागि यो जातको बाख्रापालन राम्रो छ ।

२०६८ सालदेखि बाख्रा पालन गरेका श्रीसले सुरुसुरुमा लोक्कल बाख्रा पालन गर्नुभएको थियो । लोक्कल जातका बाख्रापालनबाट राम्रो आम्दानी नभएपछि शुद्ध बोयर बाख्रा खरिद गरेर पाल्न सुरु गरेपछि आफु जिल्लाको नमुना कृषक रुपमा परिचित हुन पुगेको उहाँले बताउनुभयो ।

युवाहरु पलायनले गर्दा पछिल्लो समय माग कमले यसले मूल्य घटेको छ । फार्मका २० वटा पाठीहरु अरुलाई पालन गर्न समेत दिएको बताउनुभयो । आफूले बाख्राको घाँसको लागि ६० रोपनी जग्गामा घाँस खेती गरेको बताउनुभयो ।

ब्यवस्थित रुपमा दूईवटा खोर बनाएर बाख्रा पालन गरेका श्रीसको फार्म हेर्न विभिन्न ठाउँबाट कृषक आउन गर्नुभएको छ । उन्नत जातको बाख्रापालन सुरुवात गरेका श्रीसले गाउँमा अन्यलाई पनि उन्नत जातको बाख्रा पालनमा प्रेरित गरिरहनुभएको छ ।