बन्दले म्याग्दीको जनजिवन प्रभावित

म्याग्दी, २७ असार । नेपाल कम्युनिष्ट पार्टीले आज नेपाल बन्दको आव्हान गरेको छ । स्थानीय तह निर्वाचनको समयमा सरकारले मुलुकका बिभिन्न स्थानबाट आफ्ना कार्यकर्तालाई विनाकारण पक्राउ गरि झुठा मुद्दा लगाएको भन्दै उनीहरुलाई विना सर्त स–सम्मान रिहाईको माग गर्दै बन्दको घोषणा गरेको हो ।

बन्दको कारण म्याग्दीको जनजिवन प्रभावित बनेको छ । आज विहानैदेखि म्याग्दीबाट छुट्ने लामो तथा छोटो दुरीका सवारी साधन सञ्चालनमा आउन नसक्दा यात्रा गर्ने यात्रुहरु समस्यामा परेका छन् । त्यस्तै बन्दको कारण बजार,शैक्षिक संस्थाहरु समेत खुल्न सकेका छैनन् ।
आफ्ना कैयौं कार्यकर्ता र समर्थकहरुलाइ चुनाव सकिदा समेत हिरासतमुक्त नगरिएकोले नेपाल बन्द आव्हान गर्नुपरेको नेकपाले जनाएकाले छ ।