काँग्रेस म्याग्दीको सातौँ जिल्ला अधिवेशन बेनीमा सुरु (फोटो फिचर)

म्याग्दी १ मंसिर । नेपाली काँग्रेस म्याग्दीको ७ औँ जिल्ला अधिवेशन आजदेखि बेनीमा सुरु भएको छ । आगामी कार्यकालका लागि नयाँ नेतृत्व चयन गर्ने भएपछि बेनीमा सुरु भएको अधिवेशनमा काँग्रेस नेता कार्यकर्तामा चुनाबी सरगर्मी बढेको छ ।

जिल्ला अधिवेशनले आगामी कार्यकालको लागि नेतृत्व चयन गर्ने छ भने राष्ट्रिय महाधिवेशनमा भाग लिने प्रतिनिधिहरु समेत चुन्ने छ । काँग्रेसको अधिवेशनको अवसरमा बेनीमा ¥याली समेत निकालिएको छ ।

नेता तथा कार्यकर्ताहरुले ¥याली सहित बजार परिक्रममा गरेर अहिले जिल्ला समन्वय समितिको सभाहलमा अधिवेशन उद्घाटन सत्र चलिरहेको छ । जिल्लामा आगामी नेतृत्व सहित कार्य समिति र महाधिवेशन प्रतिनिधिका लागि हिजादेखि नै नेता तथा कार्यकर्ताहरुले धमाधम उम्मेदवारी घोषणा गरिरहेका छन् ।

जिल्ला सभापति खमवीर गर्वुजा र निवर्तमान जिल्ला सभापति रेशमबहादुर बानियाँ पक्षले प्यानल उम्मेदवारी नै तयारी गरेपनि सहमतीको लागि अधिकतम प्रयासरत रहेको बुझिएको छ ।