कन्चन बचत समुहको नवौ अर्धबार्षिक भेला सम्पन्न

 राजन लामा डिमडोङ

काठमाण्डौ

पाथेका कन्चन बचत समूह दोहा कतारले नवौं अर्धबार्षिक भेला भव्यताका साथ सम्पन्न गरेको छ । सन् २०१८ जनवरी १२ तारिकको दिन समुहका अध्यक्ष मिलन राईको सभापतित्वमा मुवैरब टावर स्थित सम्पन्न उक्त भेलामा प्रमुख अथिति मेरुंग कृषि सहकारीका महासचिब किरण गिरी रहेका थिए भने अथितीहरुमा युवा सक्रिय समाजसेवी लालकुमार राई , सफल व्यक्तित्व भलाकाजि राई , समुहका प्रमुख सल्लाहकार केदार बानिया , बरिस्ठ सल्लाहकार द्वय शिवकुमार राई , छत्रबहादुर भुजेल लगायत थुप्रै शुभचिन्तक दाजुभाई दिदीबहिनिहरुको उपस्थिति रहेको थियो ।

दिप प्रज्वलनसंगै उत्घाटन गरिएको उक्त कार्यक्रममा नेपाली राष्ट्रिय गीतले मुवैरब टावरको हल गुन्जेको थियो । समुहका सचिव जीवन गुरुङले संचालन गरेको उक्त कार्यक्रममा समुहका उपाध्यक्ष सत्य नारायण चौधरीले उपस्थित सम्पूर्णमा स्वागत मन्तब्य दिएका थिए । कार्यक्रममा सम्पूर्ण अथितिहरु तथा प्रमुख अथितिले शुभकामना मन्तब्यमार्फत पाथेका कन्चन बचत समुहको उन्नति र प्रगतिको कामना गरेका थिए , उक्त कार्यक्रममा आर्थिक प्रतिवेदन कोषाध्यक्ष छुट्टीमा नेपाल गएको कारण अध्यक्ष मिलन राईले प्रस्तुत गरेका थिए भने प्रगति प्रतिवेदन समुहका सह-सचिव जीतबहादुर भारतीले प्रस्तुत गरेका थिए ।

सन् २०१८ जनवरी ५ तारिकको बोर्डको बैठकबाट नवनियुक्त द्वितीय उपाध्यक्ष सत्यनारायण चौधरीलाई भेलाले स्वागत तथा सम्मान गरेको थियो , समुहमा आवद्द भएको मिति देखि नियमित बचत गर्ने एक महिला र एक पुरुषलाई सम्मान गर्ने समुहको प्राबधान अनुसार महिलातर्फ स्याङ्जा पेलाकोट राम्चेकि वचत सदस्य मम माया कुन्वार र पुरुषतर्फ सुनसरी धरान-१५ का वचत सदस्य भिमबहादुर राई लाई प्रसंशा-पत्रले सम्मान गरिएको थियो , यसै भेलाबाट झापा बिर्तामोडका रोशन मैनाली, मोरंग लेटांगका मिनकुमार राई र भारत बिहारका रजितकुमार सृभास्तिभा गरि ३ जना नयाँ थप बचत सदस्यहरु समावेश भएका थिए।

समुहका अध्यक्ष मिलन राईले सस्थाको गतिबिधि र प्रगतिको चर्चा गर्दै कन्चन बचत समूह एउटा सिर्फ बचत समूहमात्रै नरहेर यसभित्र एउटा छुट्टै उद्दार कोष खडा गरि आपत बिपत र भै परी आउने थुप्रै समस्या समाधानमा भूमिका खेलेको उल्लेख गर्दै हाम्रो समूह साच्ची नै नाम जस्तै कन्चन, पबित्र पारदर्शिता रहेकोले आज ४३ जिल्लाका सदस्यहरु समावेश भएको र आगामी दिनमा ७५ जिल्लाका सदस्य समेटिने आशाका साथ सम्पूर्णमा बचत गर्न आब्हान गर्दै सम्पूर्णमा हार्दिक धन्यवादका साथ कार्यक्रम समापन भएको घोषणा गरेका थिए ।