महाशिवरात्री पर्वको दिन गलेश्वरधाममा भक्तजनको भिड

म्याग्दी, १ फागनु । महाशिवरात्रि पर्वमा भगवान शिवको पुजा गर्न म्याग्दीको गलेश्वरमा रहेको प्रसिद्ध धार्मिकस्थल गलेश्वरधाममा भक्तजनको भिड लागेको छ ।

गलेश्वरधाममा पुजा गर्न म्याग्दी, बागलुङ, पर्वत लगायत विभिन्न ठाउँबाट भक्तजनहरुको उपस्थित भएका छन् । भगवान शिवको पुजोको पुजा गर्न मन्दिरमा युवायुवतीको भिड बढि देखिएको छ ।
यो मान्यतालाई मान्दै महाशिवरात्री पर्वको अवसरमा हरेक मन्दिरमा हुने शिवरात्री पुजामा हजारौ भक्तजनको भिड लागेको छ । गलेश्वरधाममा शिवरात्रीलाई लक्षित गरेर १०८ शिवलिङ्ग भएको ठाउँमा भगवान शिवको नृत्य अवतारको मुत्र्तिले हजारौ भक्तजनलाई आकर्षित गरेको छ।

हिन्दू धर्मावलम्बी आज बिहानैदेखि नदी, कुण्ड र तलाउमा स्नान गरी शिवालयमा गएर पूजाराधना गर्छन् । शिवजी उत्पत्ति हुनुभएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिवलाई ब्याख्या गरिन्छ ।

महाशिवरात्रिका दिन आज भक्तजनले शुद्ध भई शिव मन्दिरमा पूजार्चना गरी व्रत बस्ने र शिवको प्रिय वस्तु दूध, धतुरो र बेलपत्र चढाउने गर्छन् । यस पर्वका दिन उपवास गरी रातभर जाग्राम बसेम सर्व्सिद्धि लाभ भई यमलोक जानु नपर्ने धार्मिक विश्वास छ । आजको दिन महादेवलाई जाडो हुने जनविश्वासले प्रत्येक घर, चोक र मठमन्दिरमा दाउरा मागेर धुनी जगाई भजनकीर्तनका साथ सोही आगामा प्रसाद बनाई ग्रहण गरिन्छ ।

गलेश्वरधाम मन्दिरमा महादेवको दर्शन गर्न आउने भक्तहरु, सादु तथा भजनक्रिर्तन उपस्थितले मन्दिरमा घुइँचो लागेको छ ।