बेगमा माओवादी केन्द्रको वडा सम्मेलन

 

म्याग्दी, २७ असोज । म्याग्दीको रघुगंगा गाउँपालीका १ बेगमा शनिबार नेकपा माओवादी केन्द्रको वडा सम्मेलन सम्पन्न भएको छ ।

सम्मेलनले जसकुमार गर्बुजाको अध्यक्षतामा २७ सदस्यीय नेकपा माओवादी केन्द्रको वडा कमिटी गठन गरेको छ । कमिटिको उपाध्यक्षमा हिमकुमार गर्बुजा, सचिवमा समिर बिक र कोषाध्यक्षमा यमराज पुन रहनुभएको छ ।

सदस्यहरुमा मिलन पुर्जा, तुलप्रसाद पुर्जा, पारबहादुर बिक, सुमन शर्मा पौडेल, जनक फगामी लगायत रहुनभएको छ । सम्मेलनमा नेकपा माओवादी केन्द्रका नेता चन्द्रबहादुर घिमीरेले राजनितिक स्थीरता, विकास, सम्बृद्धी, राष्ट्रिय स्वाभीमान रक्षाका लागि वाम राजनितिक दलहरुले चुनावी तालमेल र एकताको सहमती गरेका बताउनुभयो ।

यसैगरी बेनपा ४ का वडा कमिटि अध्यक्ष भगवान खड्काले आगामी प्रदेश र संघको निर्वाचनमा माओवादी र एमालेले एक अर्कालाई सघाउने गरी उमेद्वार उठाउने तयारी भैरहेको जानकारी दिनुभयो ।