बृहत बाम एकिकरण प्रकृयाको खुसीयालीमा चियापान तथा शुभकामना आदान प्रदान

 गलकोट बागलुङ  २१ असोज । जिल्लाको गलकोट नगरपालिकामा बामपन्थी घटकहरुको चियापान तथा शुभकामना आदान प्रदान कार्यक्रम सम्पन्न भएको छ । केन्द्रिय तहमा बृहत बाम एकता सॅगै चुनावी तालमेल गर्ने नेकपा एमाले, नेकपा माओवादी केन्द्र र नयाॅ शक्ति पार्टी बिच भएको सहमति पछि गलकोटमा पनि विभिन्न राजनैतिक दलहरुले सामुहिक खुसियाली मनाएका हुन । चियापान तथा शुभकामना आदान प्रदान कार्यक्रममा बोल्दै सम्पुर्ण दलका प्रमुखहरुले अब राष्ट्रव्यापी रुपमा सम्पुर्ण कम्युनिष्टहरु एकताबद्व हुॅदै सम्वृद्व राष्ट्र निर्माणमा लाग्नुपर्ने बताएका छन ।

बाम एकता प्रकृयाले देशलाई अब सम्वृद्वि तर्फ उन्मुख गरेको र कसैको स्वार्थ र सत्ताको लागि यसलाई दुरुपयोग गर्न नहुने समेत सम्पुर्ण वक्ताहरुको भनाई रहेको थियो । सो अवसरमा प्रेस सेन्टर नेपालका केन्द्रिय सदस्य रुद्र श्रीस, नेपाल राष्ट्रिय शिक्षक संगठनका गलकोट नगर संयोजक राम बहादुर खत्री, गलकोट नगर विकास समितिका अध्यक्ष चन्द्रदत्त रेग्मी, गलकोट नगरपालिका वडा नं १ का अध्यक्ष नेत्र बुढाथोकी, नयाॅ शक्ति पार्टीका केन्द्रिय परिषद सदस्य बम गुरुङ, नेपाल कम्युनिष्ट पार्टीका धौलागिरी र गण्डकी ब्युरो बाबुराम नेपाली, राष्ट्रिय जनमोर्चा गलकोट नगर अध्यक्ष टंक केसी, नेकपा एमाले स्थानिय विकास तथा संघिय मामिला विभागका केन्द्रिय सदस्य सुनिल शेरचन र नेकपा माओवादी केन्द्रका पोलिट ब्यूरो सदस्य तथा जिल्ला ईन्चार्ज फमलाल निउरेले शुभकामना मन्तव्य राख्नुभएको थियो ।

कार्यक्रममा राष्ट्रिय जनमोर्चा र नेपाल कम्युनिष्ट पार्टी सहित नेकपा माओवादी केन्द्र, नेकपा एमाले र नयाॅ शक्ति पार्टीका विभिन्न भातृ संगठनका प्रमुख तथा प्रतिनिधि, नगर समितिका प्रमुख तथा प्रतिनिधि लगायतको समेत उल्लेख्य सहभागिता रहेको थियो । कार्यक्रम नेकपा माओवादी केन्द्रका केन्द्रिय सल्लाहकार यम बहादुर श्रीसको अध्यक्षता, नेकपा माओवादी केन्द्र गलकोट नगरपालिका सचिव खिम साहानीको स्वागत र नेकपा एमाले गलकोट नगरपालिका संयोजक डम्मर श्रीसको सञ्चालनमा सम्पन्न भएको थियो ।