मोना युएईद्धारा सम्मान तथा विदाई

म्याग्दी, १० भदौ । म्याग्दी प्रवासी नेपाली संघ (मोना )युएईले संस्थाका सहसचिब मिनबहादुर भण्डारीलाई सम्मान तथा विदाई गरेको छ । वैदेशिक रोजगारिबाट स्वदेश फर्किन लाग्नुभएका भण्डारीलाई संस्थाले एक कार्यक्रम आयोजना गरि सम्मान सहित विदाई गरेको हो ।

कार्यक्रममा मोना युएईका अध्यक्ष प्रकाश कार्कीले भण्डारीलाई मायाँको चिनो सहित प्रसंसापत्रद्धारा सम्मान गर्दै उहाँको स्वदेश तर्फको यात्राको सुखद रहोस भन्दै मन्तव्य राख्नुभएको थियो । उहाँले संस्थाको स्थापनाकाल देखि नै सक्रिय रुपमा संस्थागत विकासमा लाग्नुभएका भण्डारीले सामाजिक क्षेत्रमा पु¥याएको योगदानको समेत प्रसंसा गर्नुभयो ।

कार्यक्रममा रुद्रबहादुर रोकाले स्वागत र सुवास राम्जालीले कार्यक्रमको सञ्चालन गर्नुभएको थियो भने प्रदिप सुवेदी लगायतका अतिथिहरुको समेत कार्यक्रममा उपस्थिति रहेको थियो ।