समाजसेवि शाहीद्धारा एसइईमा उत्कृष्ट नतिजा ल्याउने विद्यार्थीहरुलाई पुरस्कार दिने घोषणा

म्याग्दी, ५ चैत । म्याग्दीको रघुगंगा गाउँपालिका–३ पिप्लेका समाजसेवि कमल शाही(कुमार)ले एसइई परिक्षा २०८१ मा उत्कृष्ट नतिजा ल्याउने विद्यार्थीहरुलाई नगद पुरस्कार प्रदान गर्ने घोषणा गर्नुभएको छ । रघुगंगा गाउँपालिका २ र ३ राखुमा सञ्चालित मुक्तिधाम मावि, रघुगंगा मावि र ज्ञानोदय मावि गरी तीन सामुदायिक विद्यालयबाट एसइई परिक्षा २०८१ मा ३. २ देखि ३.६ औसत जिपिए ल्याउने ( ए ग्रेड )ल्याउने सबै बिद्यार्थीहरूलाई जनही रु ५ हजार  र  साे भन्दा माथिल्लाे औसत जिपिए (ए  प्लस ग्रेड ) ल्याउनेलाई  जनही रु १० हजार नगद पुरस्कार दिने शाहीले घोषणा गर्नुभएको हो । सिंगापुर पुलिसबाट सेवानिवृत पिप्लेको घोटडाँडा निवासी समाजसेवि शाहीले यसअघि पनि राखु क्षेत्रमा रहेका सामुदायिक विद्यालयबाट उत्कृष्ट नतिजा ल्याउने विद्यार्थीहरुलाई पुरस्कार वितरण गर्दै आउनुभएको छ भने विभिन्न सामाजिक क्षेत्रमा सहयोग समेत गर्दै आउनुभएको छ ।