म्याग्दी क्याम्पसमा स्ववियु नेतृत्व छान्न मतदान सुरु

म्याग्दी सदरमुकाम बेनीमा रहेको म्याग्दी बहुमुखी क्याम्पसमा स्वतन्त्र विद्यार्थी युनियन( स्ववियु निर्वाचन अन्तर्गत मतदान सुरु भएको छ ।

विहान ८ बजेदेखि मतदान सुरु भएको र विद्यार्थीहरु लाइनमा बसेर पालैपालो मतदान गर्ने प्रवन्ध मिलाइएको निर्वाचन समितिका संयोजक पशुपतिनाथ ढकालले जानकारी दिनुभयो ।

म्याग्दी क्याम्पसमा नेविसंघबाट संगम चोखाल क्षेत्री, अखिल (क्रान्तिकारी) बाट सन्दीप खत्री, अनेरास्ववियुबाट दिनेश खत्री र अखिल नेपाल विद्यार्थी युनियन( समाजवादी)बाट मनिषा दर्जी सभापति पदको उम्मेद्वार बन्नुभएको छ । सभापति पदका चारै जना उम्मेदवारहरुले सामुहिक रुपमा मतदान गर्नुभएको थियो । स्ववियु निर्वाचनका लागि म्याग्दी क्याम्पसमा ८२४ जना मतदाता छन् ।