जिसस प्रमुख केसीलाई भगवतीमा सम्मान

म्याग्दी, २२ साउन । जिल्ला समन्वय समितिको प्रमुखमा निर्वाचित हुनुभएका देवेन्द्र केसीलाई आईतबार रघुगंगा गाउँपालीका २ भगवतीमा स्वागत तथा सम्मान गरिएको छ । वडा कार्यालय, स्वास्थ्य चौकी व्यवस्थापन समिति र महिला स्वास्थ्य स्वमसेवीकाहरुले स्थानीय तह निर्वाचनमा भगवतीको वडा सदस्यमा निर्वाचित भई हालै भएको समन्वय समितिको चुनावमा सर्वसम्मत प्रमुखमा चयन हुनुभएका केसीलाई सम्मान तथा स्वागत गरेका हुन् ।

सो कार्यक्रममा जिल्ला समन्वय समितिका प्रमुख केसीले म्याग्दी जिल्लाको समग्र विकास र सुसासनका लागि स्थानीय तह, सरकारी कार्यालय, प्रदेश र केन्द्र सरकारसंग समन्वय, अनुगमनलाई प्राथमिकता दिने बताउनुभयो ।

यसैगरी रघुगंगा गाउँपालीकाका अध्यक्ष भवबहादुर भण्डारीले सबैलाई साथमा लिएर गाउँपालीकामा विकास निर्माणको काम अघि बढाउने बताउनुभयो । वडा अध्यक्ष रिमबहादुर कटुवालको अध्यक्षता, सचिव बलराम पौडेलको स्वागत र गाउँपालीकाका स्वास्थ्य संयोजक टिकाबहादुर शाहीको सञ्चालनमा कार्यक्रम सम्पन्न भएको थियो । तस्बिरः मायाँ पौडेल