गलेश्वरधाममा एभरग्रीन युवा क्लबद्धारा स्वयम सेवक परिचालन

म्याग्दी ०८ साउन । म्याग्दीको धार्मिक ऐतिहासिक रुपमा प्रसिद्ध तीर्थस्थल मानिएको गलेश्वरधाममा साउने सोमबारका दिन एभरग्रीन युवा क्लबद्धारा स्वयम सेवक परिचालन गरी सहयोग गरेको छ ।

पुजा गर्न आउने भक्तजनको भिडलाई लक्षित गरी ३० जनाको टोली परिचालन गरिएको क्लवले जनाएको छ ।

सामाज रुपान्तरणमा युवाको भुमिका भन्ने मुल नारा सहित गलेश्वरमा पुजा गर्न आउने भक्तजनहरुलाई व्यवस्थित ढंगले लाईन मिलाउने र मन्दिरमा पुजा गर्न आएका भक्तजनले दिन भरी फालेको फोहोरलाई व्यबस्थापन गर्ने पुजा गर्ने भक्तजनलाई ब्यबस्थित ढंगले पालैपालो मन्दिर प्रवेश भक्तजनको सुविधाका लागी नरिवल फर्ने काम गरेको क्लबले जनाएको छ ।