रानीपौवाकी रोजिना बि.क दुइ महिनादेखी बेपत्ता

म्याग्दी, २३ साउन । म्याग्दीको रघुगंगा गाउँपालिका–३ रानीपौवाकी एक बालिका गत जेठ तिन गते देखी बेपत्ता भएकी छन् । रानीपौवाका बिर बहादुर विश्वकर्मा र थममाया विश्वकर्माकी १४ बर्षीया छोरी रोजिना विश्वकर्मा बेपत्ता भएकी हुन् । घरबाट स्कुल जान्छु भनेर जेठ ३ गते बिहान ९ बजे निस्केकी उनी अहिले सम्म घर नआएको घरपरिवारको भनाई छ । आफ्नो आफन्तहरु भएको सबै ठाउँमा बुज्दा पनी भेटाउन नसकेको उनिहरुको भनाई छ । पहिला–पहिला पनी केही समय आफन्तको गएर बस्ने घर नआउने गरेकी रोजिना लामो समय घर नआउदा परिवारजन चिन्तामा परेका छन् ।

जहाँ जादा पनी सोधेर जाने छोरी यस पटक केही नभनी गएको र अहिले सम्म पनी घर नआउँदा आफुहरु समस्यामा परेको बुबा बिर बहादुरले बताए ।

छोरी हराएको र खोजी गरिदिन जिल्ला प्रहरी कार्यालयमा निवेदन दिए पनी अहिले सम्म कही कतै भएको पत्ता लगाउन नसकेको उनीहरुको भनाई छ । असार २ गते गलेश्वरमा एक जना महिला संग रहेको कुरा सुनेपछि त्यसतर्फ पुगेर खोजी गर्दा पनि केही पत्ता लाग्न नसकेको बालिकाको दाई मिलन वि.कले बताए ।

उनले रोजीनाको खोजीको लागि पोखरासम्म पुगेपनि केही पत्ता लाग्न नसकेको बताए । ‘बहिनीलाई कसैले प्रलोभनमा पारेर कतै लगेको हो की जस्तो लागेको छ , त्यो थाहा पाउन सकेका छैनौँ’ उनले भने । बेपक्ता रोजिनाको खोजी गरिदिन परिवारले आग्रह गरेका छन् ।