सडक दुर्घटनामा म्याग्दीका दुई शिक्षककाे निधन 

म्याग्दी, १४ असार ।     पोखराको मालेपाटनमा सडक दुर्घटनामा म्याग्दीका दुईजना शिक्षककाे ज्यान गएकाे छ ।  मोटरसाईकलमा सवार मंगला गाउँपालिका–४ बरंजा झाँक्रीपानीका २४ बर्षिय धनबहादुर छन्त्याल र अन्नपूर्ण गाउँपालिका–४ दानाकी २५ बर्षिया बृन्दा थापा मगरको ज्यान गएको हो ।

विपरित दिशाबाट आएका दुईवटा मोटरसाईकललाई ट्यांकरले ठक्कर दिएको थियो । ग १ ख २८९६ नम्बरको पानी बोक्ने ट्यांकरको टायरले किचेर अन्नपूर्ण गापा–७ हिस्तान घराम्दी आधारभुत विद्यालयकी शिक्षक समेत रहेकी थापामगरको घटनास्थलमै र छन्त्यालको उपचारको क्रममा मणिपाल अस्पतालमा मृत्यु भएको पोखराका प्रहरी नायव उपरिक्षक रविन्द्र गुरूङले बताए ।