म्याग्दी काँग्रेसको जागरण अभियान बाबियाचौरमा सम्पन्न

म्याग्दी, १४ जेठ । नेपाली काँग्रेस म्याग्दीले सुरु गरेको कार्यकर्ता जागरण तथा कार्यकता अन्तरक्रिया कार्यक्रम सोमबार मंगला गाउँपालिको केन्द्र बाबियाचौरमा सम्पन्न भएको छ । काँग्रसले म्याग्दीका हरेक स्थानीय तहमा आफ्ना कार्यकर्ता जागरण अभियान सञ्चालन गर्ने कार्यक्रमलाई निरन्तरता दिदै गएको छ ।

बाबियाचौरको कार्यक्रममा बोल्दै पार्टी जिल्ला सभापती खम्वीर गबुर्जाले आफ्ना कार्यकर्तालाई विकास निमार्णमा लाग्न आग्रह गरेका थिए । उनले चुनावमा हार्नु प्राविधिक कारण भएको बन्दै जनताले दिएको भोटको सम्मान गर्दै सधै आफु जनताको काममा नै लागी पर्ने बताए ।

कार्यक्रममा पूर्व सहसभापती नेत्र बहादुर महत, सचिव क्या मिन बहादुर कार्की, पूर्व सचिव माधव रेग्मी, अजयमिलन श्रेष्ठ, टिका गौचन, महिना संघ म्याग्दीकी अध्यक्ष बिमला गौचन लगाएतले मतव्य राखेका थिए । कार्यक्रम बाबियाचौर इकाई सभापति दिर्गबहादुर खड्काको अध्यक्षता, जिल्ला कार्यसममितिका आमन्त्रित सदस्य टिकाराम पौडेलको सञ्चालनमा सम्पन्न भएको थियो ।