घतानमा चट्याङले ३ जना घाईते, २ बाख्राको मृत्यु

म्याग्दी, २३ चैत्र । शुक्रबार अविरल पानीसँगै एक्कासी परेको चट्याङले बेनी नगरपालिका ९ निलदह घतानमा क्षति पु¥याएको छ । दिनको ४ बजेतिर परेको चट्याङमा परि निलदह निवासी कमला खत्री, फुलमाया खत्री र शोभा खत्री घाईते भएको गौरीशंकर रिजालले जानकारी दिएका छन् । उनीहरुलाई उपचारका लागि घतान उप–स्थास्थ्यचौकीमा लगिएको छ ।

त्यसैगरी उक्त चट्याङले खिमबहादुर खत्रीको घरमा बाधिँराखेको २ बाख्राको समेत मृत्यु भएको रिजालले जानकारी दिए । चट्याङले झलकबहादुर खत्रीको घरमा जोडेको विद्युतको मिटरमा समेत क्षति पुगेको छ । निलदह अवस्थित केही घरहरुको गाह्रोहरु समेत चर्कीएको छ । अविरल पानीसँगै चट्याङ परेपछि विद्युत समेत अबरुद्ध भएको छ ।