वाखेतका कृषकलाई चल्ला वितरण

बेनी १९ चैत । बेनी नगरपालीका १० वाखेतका कृषकलाई निशूल्क चल्ला वितरण गरिएको छ । बेनी नगरपालीकाको पशु सेवा शाखाले स्थानीयबासीलाई कुखुरापालनप्रती आकर्षित गरी मासु र अण्डाको उत्पादन वृद्धी गरी कुपोषण न्युनीकरण गर्ने उद्देश्यले आईतबार छ सय चल्ला वितरण गरिएको हो ।

वडाका जनप्रतिनिधिहरुको रोहबरमा गठन भएको भुमेथान लेयर्स कुखुरापालन कृषक समूहमा आवद्ध ६० जना स्थानीयलाई १० वटाका दरले चल्ला वितरण गरीएको शाखाका पशु सेवा प्राबिधिक सुभाष रेग्मीले जानकारी दिनुभयो ।

घतान पशु सेवा केन्द्रका पशु सेवा प्राबिधिक नारायण दर्लामीको उपस्थितीमा चल्ला वितरण गरिएको थियो । बेनपा २ भकुण्डे र ६ अर्थुङ्गेमा पनी चल्ला वितरणको कार्यक्रम रहेको छ ।