ट्रेड युनियन काँग्रेस म्याग्दीको सभापतीमा उपाध्याय चयन

म्याग्दी, १० चैत । नेपाल ट्रेड युनियन काँग्रेस म्याग्दीको सभापतिमा कोमलप्रसाद उपाध्याय निर्वाचित भएका छन् । शनिबार बेनीमा सम्पन्न ट्रेड युनियनको चौथो जिल्ला अधिवेशनबाट उपाध्यायको नेतृत्वमा २२ सदस्यीय नयाँ कार्यसमिति चयन गरिएको हो । समितिको खुल्ला उपाध्यक्षमा नवराज शर्मा, महिला उपाध्यक्षमा नन्दकली सुवेदी, सेवाक्षेत्रको उपाध्यक्षमा नारायणप्रसाद सुवेदी, अनौपचारिक तथा स्वरोजगारतर्फको उपाध्यक्षमा खुमा सापकोटा पौडेल, सचिबमा बोधहरि सुवेदी, कोषाध्यक्षमा सोमाकान्त सुवेदी, सहकोषाध्यक्षमा सँगीता श्रेष्ठ र सहसचिबमा भीमकुमारी सुवेदी चुनिएका छन् ।

त्यस्तै, सदस्यहरुमा ह्दयकुमार श्रेष्ठ, अञ्जु पोख्रेल, सन्तोष सुवेदी, ज्योती विश्वकर्मा, लोकराज सुवेदी, गंगाबहादुर खत्री, राम बहादुर क्षत्री र अश्मी महत चयन भएका छन् । अधिवेशनले निर्वतमान अध्यक्ष दुर्गाराम सुवेदीलाई केन्द्रीय प्रतिनिधीमा चयन हुँदा प्रदेश प्रतिनिधीमा केशबप्रसाद रेग्मी, कल्याण सुवेदी र जमुनाकुमारी रोका चुनिएका छन् । यसअघि, सभापति दुर्गाराम सुवेदीका अध्यक्षतामा भएको उद्घाटन सत्रमा बोल्दै नेपाली काँग्रेस म्याग्दीका सभापति खम्बीर गर्बुजाले श्रमको सम्मान र श्रमिकलाई प्रोत्साहन गरेमा मात्रै देशको समृद्धि संभव हुने बताए । उनले काँग्रेस नेतृत्वको सरकारले जहिल्यै पनि श्रमिक र श्रमको उचित सम्मान गरेको स्मरण गर्दै वर्तमान सरकारले पनि सोही नीतिलाई अबलम्बन गर्नुपर्ने बताए ।

टे«ड युनियनका उपाध्यक्ष चिरञ्जीवि बोगटीले स्वागत गरेको कार्यक्रममा नेपाली काँग्रेस म्याग्दीका सचिब एवम् बेनी नगरपालिकाका नगर प्रमुख हरिकुमार श्रेष्ठ, जिल्ला सदस्य एवम् अस्पताल विकास समितिका अध्यक्ष माधबप्रसाद रेग्मी, ओम छन्त्याल, लोकतान्त्रिक व्यापारीहरुको तर्फबाट उद्योगी सुविन श्रेष्ठ, नेपाल शिक्षक संघ प्रदेश नं ४ का वरिष्ठ उपाध्यक्ष केशबप्रसाद रेग्मी, ट्रेड युनियनका क्षत्रीय सदस्य कल्याण प्रसाद सुवेदी, महिला संघ म्याग्दीकी अध्यक्ष एवम् महाधिवेशन प्रतिनिधी विमला गौचन, तरुण दल म्याग्दीका सभापति एवम् महाधिवेशन प्रतिनिधी मुकुन्द छन्त्याल, नेपाल शिक्षक संघ म्याग्दीका सचिब गजेन्द्र श्रेष्ठ, नेपाल प्रेस युनियन म्याग्दीका सभापति गोपाल छन्त्याल, धौलागिरि अञ्चल अस्पताल बागलुङका अध्यक्ष राम्जी प्रसाद सुवेदी, रघुगंगा हाइड्रो लिमिटेडका प्रमुख प्रशासकीय अधिकृत काशीनाथ दाहाल लगायतले कार्यक्रममा शुभकामना मन्तव्य व्यक्त गरेका थिए ।

ट्रेड युनियनका सचिब कोमलप्रसाद उपाध्यायले सञ्चालन गरेको कार्यक्रममा शिक्षक संघको प्रदेश ४ को वरिष्ठ उपाध्यक्षमा निर्वाचित केशबप्रसाद रेग्मी, खुल्ला सदस्य बद्रीप्रसाद शर्मा, नेपाल यातायात व्यवसायी महासंघको केन्द्रीय सदस्यमा विजयी यातायात व्यवसायी सुमन श्रेष्ठ र नाइ संघ म्याग्दीका अध्यक्ष सञ्जय ठाकुरलाई प्रशंसा पत्रले सम्मान गरिएको थियो ।