युवा व्यवसायी भण्डारी र केसीद्धारा ज्ञानोदय माविलाई खेलकुद सामाग्री सहयोग

म्याग्दीको रघुगंगा गाउँपालिका–२ भगवतीका युवा व्यवसायी हरि भण्डारी र रिम कटुवाल (केसी)ले वडा नम्बर ३ मौवाफाँटमा रहेको ज्ञानोदय माविलाई खेलकुद सामाग्री सहयोग गर्नुभएको छ । बेनीमा रारा अटोमोवाईल्स सञ्चालन गर्दै आउनुभएका भण्डारी र केसीले ज्ञानोदय माविलाई खेलकुद सामाग्री सहित खेलकुद पोशाक सहयोग गर्नुभएको हो ।

उहाँहरुले एक दर्जन खेलकुृद जर्सी सहित २ थान भलिबल, एक/एक थान बास्केटवल, नेट र पम्प लगायतका रु २० हजार बराबरको खेलकुद सामाग्री सहयोग गरेको विद्यालयका खेलशिक्षक दामोदर रिजालले बताउनुभयो । उहाँले सहयोगदाता भण्डारीद्धयले उपलब्ध गराएको सामाग्रीले विद्यालयमा खेल अभ्यास तथा कार्यक्रम सञ्चालनमा सहयोग पुगेको बताउँदै सहयोगदाताहरुलाई धन्यबाद ज्ञापन गर्नुभएको छ ।