म्याग्दीमा शान्त वाताबरणमा मतदान सम्पन्न

म्याग्दी, १० मंसिर । म्याग्दीमा सबै मतदान केन्द्रमा शान्तिपुर्ण रुपमा मतदान सम्पन्न भएको छ । १ नगरपालिका, ५ गाउँपालिका भएको म्याग्दीमा ४५ ओटा वडामा रहेको ७२ मतदान स्थल १०६ मतदान केन्द्रमा शान्त रुपमा मतदान सम्पन्न भएको हो ।

जिल्लामा मतदान शान्तिपुर्ण रुपमा सम्पन्न गर्न शसस्त्र प्रहरी, नेपाली सेना, नेपाल प्रहरी र म्यादी प्रहरी परिचालन गरिएको थियो । जिल्लाका सबै मतदान केन्दं्रमा शान्त रुपमा मतदान भएको प्रमुख जिल्ला अधिकारी कृष्ण्प्रसाद अधिकारीले जानकारी गराउनुभयो ।

निर्वाचनलाईसम्पन्न गराउन मतदान अधिकृत, सहायक मतदान कर्मचारी ८ सय ६ र स्वयमसेवक ४ सय २२ खटिएका थिए । निर्वाचनलाई शान्तरुपमा मतदान गराउन प्रहरी, नेपाली सेना, म्यादी प्रहरी ठुलो संख्यामा परिचालन गरिएको छ ।

जिल्लामा एक प्रतिनिधिसभा र २ प्रदेश सभा सदस्य निर्वाचनमा १३ जनाको उम्मेदवार रहेको थियो । जिल्ला ७५ हजार ५३८ मतदाता रहेका थिए ।