पाउद्धारमा अन्नपूर्ण गाउँपालिकाको जनतासंग भेटघाट

स्थानीय चुनाव पछिको भेटघाट कार्यक्रम अन्नपूर्ण गाउपालिका वडा न ५ पाउद्वार गाउमा गरिएको छ । कार्यक्रममा अन्नपूर्ण गाउपालिकाका प्रमुख क्या डम बहादुर गर्वुजा ,उप प्रमुख केश माया पुर्जा, अन्नपूर्ण गाउपालिकाका वडा न ५ का वडा अध्यक्ष दिनेश कुमार तिलिजा महिला सदस्य दिर्जु रन्तिजा, दलित महिला सदस्य रामसुवा नेपाली सदस्य धन ब पाईजा सदस्य राजेस तिलिजा , अन्नपूर्ण गाउपालिकाका कार्य समीतिका का सदस्य आत्मा तुलाचन लगायतको सहभागीता रहेको थियो ।

कार्यक्रममा अन्नपूर्ण गाउँपालिकाका अध्यक्ष डम बहादुर गर्बुजाले आगामि ५ वर्षको कार्यकालमा सबै संग मिलेर गाउपालिकाको निम्ति खटेर काम गर्ने प्रतिबद्धता जनाउनुभयो । स्थानीय चुनाबमा जन्ताले चुनेर प्रमुखको पदमा बिजय गराएको बताउँदै उहाँले आफु निसपक्ष ढङ्गले अन्नपूर्ण गाउपालिकाको निमित्त काम गर्ने बताउनुभयो ।

आसन्न प्रदेश र प्रतिनिधि सभा निर्वाचनको कारण केन्द्र सरकारले विकास निर्माणको कार्य गर्न अनुमती नदिएको कारण रोकिएका विकास निर्माण योजनाहरु निर्वाचन लगत्तै सुरु हुने उहाँले बताउनुभयो । कार्यक्रममा अन्नपूर्ण गाउपालिका वडा न ५ का वडा सदस्य धन ब पाईजाले समेत मन्तव्य राख्नुभएको त्यहाँबाट सुरेश गुरुङले जानकारी दिनुभयो ।