खेल मैदान ढलान गर्न देउसी भैलोबाट ३ लाख संकलन

म्याग्दी, ८ कात्तिक । रघुगंगा गाउपालीका–३ रानीपौवामा रहेको महरानी युवा क्लव र महारानी आमा समुहको आयोजनमा खेल मैदान ढलान गर्नका लागी देउसी भैलो कार्यक्रम आयोजना र स्थानीय युवाको संक्रियतामा ३ लाख तिन सय तिस रुपैयाँ संकलन गरेको छ ।

चैते दशैमा मेला लाग्ने रानीपौवामा खेल मैदान ढलान गर्न पटक–पटक नेता तथा सम्बन्धित निकायमा पहल गर्दा समेत कतै बाट पनि सहयोग प्राप्त नभएपछि युवा क्लब र आमा समुहको सक्रियतामा उक्त देउसीभैलो आयोजना गरेको क्लव सचिब दिनेश कार्कीले बताउनुभयो । खेल मैदान भए पनि पानी पर्दा हिलो हुने र कुनै खेल खेल्न नमिल्ने भएकाले खेल मैदान ढलान गर्न लागेको र अब छिट्टै काम अघि बढ्ने क्लवले जनाएको छ । दुई दिन सम्म आयोना गरएको देउसीभैलो बाट उक्त रकम संकलन भएको हो ।