स्ववीयुको शुभकामना आदानप्रदान

म्याग्दी, २९ चैत । म्याग्दी बहुमुखी क्याम्पसमी स्वतन्त्र विद्यार्थी युनियनको आयोजनामा बिहीबार आसन्न नयाँ वर्ष २०७५ को शुभकामना आदानप्रदान कार्यक्रम सम्पन्न भएको छ । स्ववीयु उपसभापती ईश्वर सुवेदीको अध्यक्षता, सचिव दर्पण रोकाको सञ्चालन र सदस्य कर्णबहादुर मल्ल (भरत)को स्वागत मन्तब्यमा सम्पन्न कार्यक्रममा सहभागिहरुले म्याग्दी क्याम्पसलाई क्युयुएए प्रणालीमा लैजानुपर्ने धारणा राखेका थिए ।

क्याम्पस प्रमुख टिकाराम सापकोटाको प्रमुख आतिथ्यतामा भएको कार्यक्रममा सहायक क्याम्पस प्रमुखहरु श्रीधर सुवेदी, रेखाकौशल रेग्मी, प्रध्यापकहरु गेरखबहादुर जिसी, हरिप्रसाद पोखरेल, भोलानाथ घिमीरे, पशुपती ढकाल, विद्यार्थीहरु रञ्जना श्रेष्ठ, रुपेश कार्की र समीर रोकाले मन्तब्य व्यक्त गर्नुभएको थियो ।