बेनी बजारबाट बरामद भएको लागू औषध नष्ट

म्याग्दी, २४ पुस । जिल्ला प्रहरी कार्यालयले हालै बेनी बजारबाट बरामद भएको लागू औषध सोमबार नष्ट गरेको छ । बेनी नगरपालिकाका प्रतिनिधि र पत्रकारहरुको रोहबरमा पुष १४ गते बेनीको संगमचोकबाट बरामद भएको १३५ थान डाईजावाम, एनारगन र बुफ्रिनेफिन नामको लागु औषध नष्ट गरेको हो ।

लागु औषध सहित पक्राउ परेका बेनपा ८ पिपलचोकका २२ वर्षिय सफल श्रेष्ठलाई कानुनी कारबाहीका लागि प्रक्रिया अघि बढाइएको प्रहरी निरिक्षक सन्तोष रोकाले जानकारी दिनुभयो । सडकको पहुँच विस्तारसंगै सदरमुकामसंगै म्याग्दीका ग्रामिण क्षेत्रमा पनी लागू औषध कारोबारीहरु सक्रिय बनेको पाइएको उहाँले बताउनुभयो ।