जेसीज सप्ताहको अवसरमा अन्तर जेसीज सदस्य हाजिरीजवाफ प्रतियोगिता

म्याग्दी जेसीजको २७ औँ स्थापना दिवसको अवसरमा सञ्चालन भएको जेसीज सप्ताह २०८२ अन्तर्गत मंगलवार बेनीमा अन्तर जेसीज सदस्य हाजिरी जवाफ प्रतियोगिता सम्पन्न भएको छ । म्याग्दी जेसीजका बोर्डका पदाधिकारी तथा सदस्यहरु सहभागी प्रतियोगितामा बरबाकेली समूह प्रथम, रिखार समूह द्धितिय,मालिका समूह तृतीय र ताकमकोट समूह सान्त्वना हुन सफल भएका छन् ।  
म्याग्दी जेसीजका शाखा अध्यक्ष विनोद घर्ति क्षेत्रीको अध्यक्षता, पूर्व अध्यक्ष एवं नेपाल जेसीजका राष्ट्रिय अध्यक्षीय सल्लाहकार विरेन्द्र श्रेष्ठको प्रमुख आतित्यथामा कार्यक्रम सम्पन्न भएको थियो । कार्यकारीणी उपाध्यक्ष डेकमायाँ केसीले स्वागत गर्नुभएको कार्यक्रमको महासचिब देवेन्द्र घिमिरेले सञ्चालन गर्नुभएको थियो भने निवर्तमान अध्यक्ष दिनेश बानियाँको संयोजकत्वमा कार्यक्रम सम्पन्न भएको थियो । जेसीज सप्ताहको अवसरमा मेरो विद्यालय कार्यक्रम अन्तर्गत आँखा जाँच, बेनी नगरपालिका ४ तातोपानीमा प्रभाबकारी उद्घोषणका तालिम , अन्तर विद्यालय निवन्ध लेखन प्रतियोगिता र म्याग्दी जेसीज र पत्रकार महासंघ म्याग्दी बिच मैत्रिपूर्ण फुटसल समेत सम्पन्न भएको छ । जेसीज सप्ताहको अवसरमा अन्तरमावि लोकनृत्य प्रतियोगिता समेत आयोजना गरिएको म्याग्दी जेसीजका शाखा अध्यक्ष घर्ति क्षेत्रीले जानकारी दिनुभयो ।