पाण्डे दम्पतीको उपचारमा बेल्जियमबाट रु ४ लाख ८५ हजार सहयोग

भर्खरै
९ बैशाख २०८२, मंगलवार
1 पटक पढिएको

म्याग्दी ९ वैशाख । गम्भिर स्वास्थ्य समस्याबाट पीडित बन्नुभएका म्याग्दीको रघुगंगा गाउँपालिका– ३ कलेजाबाङका ५४ बर्षिय राजु पाण्डे र ४६ बर्षिय सिता पाण्डेका दम्पतीको उपचारमा बेल्जियमबाट रु ४ लाख ८५ हजार सहयोग भएको छ । म्याग्दी प्रवासी नेपाली संघ (मोना) बेल्जियमका उपाध्यक्ष ज्ञानु बरुवालको पहलमा मोना बेल्जियमद्धारा रु ४ लाख ८५ हजार सहयोग संकलन गरि पीडित परिवारलाई हस्तान्तरण गरिएको छ ।
बेल्जियममा संकलन भएको उक्त रकम अभियान्ता बरुवालले अस्पतालमा उपचाररत पाण्डे दम्पतीलाई हस्तान्तरण गर्नुभएको छ । उक्त सहयोग हस्तान्तरणमा मोना बेल्जियमका संस्थापक अध्यक्ष शिबकुमार बरुवालको समेत उपस्थिति रहेको थियो । आर्थिक अभाबका कारण उपचार प्रभावित बन्ने जोखिम रहेको अवस्थामा आफ्नो जीवनरक्षाको लागि सहयोग जुटाएकोमा पाण्डे दम्पतीले सहयोगदाताहरुलाई धन्यबाद ज्ञापन गर्नुभएको छ ।
दम्पती नै गम्भिर स्वास्थ्य समस्याबाट ग्रसित बनेको र उपचारमा लाखौँ खर्च भैसकेकाले परिवारको आर्थिक अबस्थाले थेग्न नसकेपछि आर्थिक संकलन सुरु गरिएको र देश तथा विदेशमा रहनुभएका सहयोगदाताहरुबाट सहयोग आउन थालेको छ । सिताको मृर्गौला पत्यारोपण र राजुको कलेजोको उपचार गर्न लाखौँ लाग्ने भएपछि देश विदेशमा रहनुभएका सहयोगदाताहरुलाई आग्रह गरिएको राजुका भाई विष्णु पाण्डेले बताउनुभयो।

मृर्गौला पीडित सिताले नियमित डायलासिस र राजुले उपचार गराउँदै आउनुभएको छ । साढे २ बर्षको अवधिमा पाण्डे दम्पतीको उपचारमा घरिपरिवारर आफन्तले करिब ३० लाख बढी खर्च गरिसकेका छन् । परिवारको नियमित आम्दानीको स्रोत नभएको थप उपचारमा समेत लाखाँै लाग्ने भएपछि पाण्डे दम्पतीको जीवन रक्षार्थ सहयोग संकलन गर्न थालिएको छ । पाण्डे दम्पतीको उपचारको लागि देश तथा विदेशमा रहनुभएका राखुबासी र म्याग्देलीहरु तथा नेपालीहरुको अगुवाईमा आर्थिक संकलन अभियान सञ्चालन भैरहेको छ ।

राजु पाण्डे तथा सिता पाण्डे उपचारार्थ सहयोग अभियानमा सहयाेग गर्ने सहयाेगदाताहरू