चिमखोलाको भूमेपूजा : अनौठा र मौलिक संस्कृतिको आकर्षण

म्याग्दीको रघुगंगा गाउँपालिका -७ चिमखोलाको भूमेपूजा मौलिक कला र संस्कृतिको संरक्षण संगै आन्तरिक पर्यटन प्रवद्र्धनको माध्ययम बनेको छ । परम्परागत रुपमा हु्ँदै आएको भूमेपूजामा चिमखोलामा गरिने साँस्कृतिक उत्सवले आन्तरिक पर्यटन प्रवद्र्धनमा टेवा पु¥याएको हो ।
मगर समुदायको बाहुल्य बसोबास रहेको क्षेत्रमा पकृति पूर्जाको रुपमा भूमेपूजा गरिने भएपनि चिमखोलामा भने भूमेपूजाको अवसरमा अनौठा र मौलिक संस्कृतिको प्रस्तुती राख्ने भएकाले स्थानीयबासीका साथै आन्तरिक पर्यटकहरु समेत भूमेपूजामा रमाउन आउने गरेको स्थानीय याम रोकाले बताउनुभयो ।
मंगलबार विधिपूर्वक भूमे र स्थानीय शक्तिपिठको रुपमा परिचित मण्डली बजैको पूर्जा गरी बुधवार गाउँको साँस्कृतिक चिनारीलाई प्रस्तुत गरिएको उहाँले बताउनुभयो । यहाँ हरेक बर्षबको चैत महिनामा पर्ने उजेली मंगलवारको दिनमा भूमेपूजा गर्ने प्रचलन रहेको छ ।
भूमे देवतालाई खुसी बनाउन यहाँ भूमे पुजामा मोसो, छ्याङका छोक्रा एक आपसमा दलेर नाचगान गर्ने अनौठो प्रचलन रहेको छ । गाउँको सेवाङमा रहेको भूमेथानमा स्थानीयबासी, देश विदेशबाट आएका चिमखोलाबासीसंगै छिमेकी गाउँ–ठाउँबाट पुगेका पाँच सय बढीले भूमे पूजा गरेको वडा अध्यक्ष थकप्रसाद पाईजाले बताउनुभयो ।
“ पहिले गाउँका स्थानीयले मात्र पूजा गर्थे, अहिले यहाँको भूमेपूजामा हुने मौलिक र अनौठो संस्कृतिले छिमेकी गाउँ र आन्तरिक पर्यटकहरु समेत यहाँ आउने गरेका छन, देश विदेशमा पुगेका स्थानीयबासी समेत भूमेपूजालाई ठूलो चार्डको रुपमा मनाउने आएका छन”( उहाँले भन्नुभयो ।
छ्याङलाई भूमे पूजामा मुख्य प्रसादको रुपमा ग्रहण गर्ने गरिन्छ भने भूमे थानमा पूजा गरेपछि मोसो र छ्याङको छोक्रा दलेर बाजागाजा संगै नाचगान गर्दै खुसीयाली मनाउने चलन रहेकाले यहाँ पुग्ने आन्तरिक पर्यटकहरुले अनौठो संस्कृतिको रुपमा अवलोकन गर्ने गर्छन । प्रकृतिलाई खुसी बनाएर कुनै प्राकृतिक प्रकोप र विपत्ति नहोस् र खेतीबाली राम्रो होस भन्ने कामनाले भुमे पूजा गर्ने प्रचलन रहेको स्थानीयबासी बताउँछन ।
भूमे पूजाको भोलिपल्ट गाउँमा साँस्कृतिक उत्सव हुने गर्छ । भूमे पूजाको अवसरमा बुधवार टोपा नाच प्रदर्शन गरिएको छ । छेमाहरुले टोपा नाच पदर्शन गरेका हुन भने सरमाजाले, जुरेचल्ला, दुलहा दुलहीको कलस जुधाउनेनाच संगै पुख्र्यौली र थाली नाच लगायतका मौलिक कला र संस्कृति प्रदर्शन गरिएको चिमखोलाका वडा अध्यक्ष पाइजाले जानकारी दिनुभयो । भूमेपूजाको अवसरमा चिमखोलामा स्थानीय मण्डली युवा क्लबको आयोजनामा विविध खेलकुद तथा साँस्कृतिक मेलासमेत सुरु भएको छ । यस भूमेपूजा र मेलामा रमाउनका लागि जिल्लाका विभिन्न ठाउँका युवायुवति संगै देश विदेशमा छरिएका चिमखोलाबासी चिमखोलामा पुगेका छन् ।