पाण्डे दम्पतीको उपचारमा जर्मनबाट करिव तीन लाख सहयोग

 

म्याग्दी, ८ फागुन। गम्भिर स्वास्थ्य समस्याबाट पीडित बन्नुभएका म्याग्दीको रघुगंगा गाउँपालिका– ३ कलेजाबाङका ५४ बर्षिय राजु पाण्डे र ४६ बर्षिय सिता पाण्डेका दम्पतीको उपचारमा जर्मनबाट करिव तीन लाख सहयोग जुटेको छ । बेनी नगरपालिका – १ रत्नेचौर (अर्जम ) निवासी हाल जर्मनमा कार्यरत समाजसेवी प्रेम थापा (आकास ) को संयोजकत्वमा पदम शुन्दर श्रेष्ठ, गौतम शाही सुबाष मल्ल, सुजन बर्तेउलाको सक्रियतामा दुई लाख छयानब्बे हजार तिन सय अर्तिस रुपैंया संकलन गरी सहयोग गर्नुभएको छ ।

दम्पती नै गम्भिर स्वास्थ्य समस्याबाट ग्रसित बनेको र उपचारमा लाखौँ खर्च भैसकेकाले परिवारको आर्थिक अबस्थाले थेग्न नसकेपछि आर्थिक संकलन अभियान संचालन गरिएको हो । सिताको मृर्गौला पत्यारोपण र राजुको कलेजोको उपचार गर्न लाखौँ लाग्ने भएपछि देश विदेशमा रहनुभएका सहयोगदाताहरुलाई आग्रह गरिएको र आर्थिक संकलन हुने क्रम जारी रहेको राजुका भाई विष्णु पाण्डेले बताउनुभयो ।

मृर्गौला पीडित सिताले बेनी अस्पतालमा नियमित डायलासिस गराउँदै आउनुभएको छ । साढे २ बर्षको अवधिमा पाण्डे दम्पतीको उपचारमा घरिपरिवारर आफन्तले करिब ३० लाख बढी खर्च गरिसकेका छन् । परिवारको नियमित आम्दानीको स्रोत नभएको थप उपचारमा समेत लाखाँै लाग्ने भएपछि पाण्डे दम्पतीको जीवन रक्षार्थ सहयोग संकलन गर्न थालिएको छ । पाण्डे दम्पतीको उपचारको लागि देश तथा विदेशमा रहनुभएका राखुबासी र म्याग्देलीको अगुवाईमा आर्थिक संकलन अभियान सञ्चालन गरिएको छ ।

सहयाेगदाताकाे विवरण