म्याग्दीका सन्दिप खत्री नेपाल जेसीजको उपाध्यक्ष प्रतिस्पर्धामा

म्याग्दी १ पुस । नेपाल जेसीजको राष्ट्रिय उपाध्यक्ष पदमा म्याग्दीका सन्दिप खत्रीले उम्मेदवारी दिनुभएको छ । पुस १ गतेदेखि ८ गतेसम्म इटहरीमा हुन लागेको नेपाल जेसीजको ५१ औँ राष्ट्रिय महाधिवेशनमा म्याग्दी जेसीजका पूर्व अध्यक्ष समेत रहनुभएका खत्री राष्ट्रिय उपाध्यक्ष पदमा उम्मेदवार बन्नुभएको हो ।

नेपाल जेसीजको राष्ट्रिय शाखा सम्पादक समेत रहनुभएका खत्री सन २०१४ देखी जेसीजमा आबद्ध हुनुभएको थियो । म्याग्दी शाखामा साधारण सदस्य, उपाध्यक्ष, महासचिब, कार्यकारीणी उपाध्यक्ष र बरिष्ठ उपाध्यक्ष हुँदै शाखा अध्यक्ष भएर जेसीज अभियानमा सक्रिय हुनुभएका खत्रीको नेतृत्वमा म्याग्दी जेसीजले विभिन्न राष्ट्रिय अवार्ड समेत प्राप्त गर्न सफल भएको थियो । राष्ट्रिय उपाध्यक्ष पदमा उम्मेदवार बन्नुभएका खत्री जिल्लामा सामाजिक क्षेत्रमा सक्रिय हुनुहुन्छ ।