भकिम्लीमा ट्याक्टर दुर्घटना : पाँच जना घाइते

म्याग्दीको बेनी नगरपालिका–३,भकिम्ली हाडेखानी डाँडामा ट्याक्टर दुर्घटना हुँदा पाँच जना घाइते भएका छन् । जंगलबाट दाउरा लिएर फर्किदै गरेको ट्याक्टर दुर्घटनामा परेको हो । ग १ त ६९४२ ट्याक्टर सडकदेखि करिब चार सय मिटर तल खसेर दुर्घटना हुँदा घाईते भएका पाँच जना मध्ये एक जनालाई थप उपचारको लागि पोखरा रिफर गरिएको छ भने चार जनाको बेनी अस्पतालमा उपचार भैरहेको छ ।
ट्याक्टर दुर्घटनामा परेर घाइते भएका बिजय किसानलाई थप उपचारको लागि पोखरा रिफर गरिएको छ । घाइते चालक कृष्ण किसान सेन्चुरी सहित सवार अन्य रोहित पुन,लाल बहादुर छन्त्याल र पवन पुनको बेनी अस्पतालमा उपचार भैरहेको अस्पतालले जनाएको छ ।