अरबमा छिपिएर ऒइलाएको प्रेम लिला

तिलक भण्डारी(कमल) – हामी नेपालीहरूको लागी वैदेशिक रोजगारी अति नै बाध्यता र जटिल अनि पेचिलो बन्दै गइरहेको छ । हरेक दिन युवाहरु कहिले श्रम कार्यलय त कहिले बिमानस्थलमा घुइचो देख्दा साँच्चै हाम्रो देशमा रोजगारीको खडेरी परेको भान हुन्छ । सरकारी निकायले सरकारले तोकिएको रकम म्यानपावरलाई दिनु भन्छ तर बाध्यताबश म्यानपावर ब्यवसायीले मनपरी असुल्ने रकम ऋण खोजेरै भए पनि तिरेर हिड्न परेको छ ।

वेराजगार युवालाई रोजगारी दिइयो । तर रोजगारी संगै ज्यादै कठिन समस्या पनि सृजना गरायो । यसको धरातल र बस्तुस्थिति हेर्दा सोच्न त के कल्पना गर्न पनि कठिन छ । ऋण खोजेर आफ्ना परिवार र कलिला बालबच्चालाई घरमा छाडेर खाडी आएकाहरु एकाएक अबैधानिक भई कुवेतीको घरमा काम गर्ने चेलीलाई माया जालमा पारेर घरबाट भगाउने अनि आफ्नो स्वार्थ लुटिरहेका पनि छन । यस्तै चर्तिकलाले गर्दा आजकल अरबमा समेत प्रेम लिला झांगिएको छ । कसरी बर्णन गर्ने यस्को ? हाम्रो नेपाली शब्दकोषमा शब्द खोज्दा पनि पाइदैन होला ।

जवानीलाई सन्तुलन कसरी राख्ने यो नै अति पेचिलो बन्दै गएको छ । जवानीको सन्तुलन बिग्रदा कोही रूपा र शुनिलको अबतार देखिन्छ । कोही तत्कालैको जटिल अबस्थामा घरमा सिताले रामलाई बोलाउँदा विदेशमा बस्ने रावणलाई कुनै जानकारी समेत हुदैन । अन्तमा नेपालका सिताले मृत्यु बरण गरेपछि मात्र सबै जानकारी पाउँछन । अरबमा देखिएको प्रेम लिला बर्णन गर्न त सजिलो छ । तर यसको भोगाई र यथार्थता बुझन धैरै कठीन छ । अरबको चिकेन, मटन र खबुसले मताएको जवानी असाध्यै मिठो र रोचक छ ।

यसैको सेरोफेरोमा रहेर सानो उपन्यास पश्कने जर्मको पनि गर्दै छु । यहाँहरूको सल्लाह सुझाब र सकारात्म सुझाबको लागि छोटकरीमा बयान मात्र पश्केको छु । स्बदेश र विदेश यि दुइवटै समस्याको समधान कसरी गर्ने ? न त नेपाल सरकारको ध्यान पुगेको छ । न त नागरिक समाज, न अन्य कुनै संघ संस्था, कसैले यसको निवारणमा कुनै भुमिका खेलेको देखिदैन ।