मुस्ताङमा टिप्पर दुर्घटना : १५ को मृत्यु, १७ घाइते

बेनी, २२ असार ।मुस्ताङको  दामोदरकुण्ड गाउँपालिका ३ स्याङ्बोचेमा  बा २ क २२१९ नम्बरको  टिप्पर दुर्घटना हुँदा १५ जनाको मृत्यु भएको छ भने १७ जना घाइते भएका छन् । कालीगण्डकी सडक आयोजनाका काम गर्ने मजदुर दुर्घटनामा परेको जिल्ला प्रशासन कार्यालय मुस्ताङका  प्रहरी हवल्दार रामबहादुर थापाले  जानकारी दिए ।

मृतकमा  ४ महिला र ११ जना पुरुषको रहेका छन् । उनीहरुकाे सनाखत हुन बाँकी रहेकाे छ ।   घाइतेमध्ये ५ जनाको अवस्था सामान्य रहेको छ भने अरुको अवस्था गम्भीर छ ।

घाइतेको उद्धारका लागि जिल्ला प्रहरी कार्यालय मुस्ताङबाट प्रहरी निरीक्षकको नेतृत्वमा १० जना प्रहरी पुगेका छन् ।

दिउँसो २  बजे भएको दुर्घटना पछि घाइतेको उद्धारका काठमाडौंबाट नेपाली सेनाको हेलिकोप्टर मगाइएको छ । हेलिकोप्टर घटनास्थलमा अझै पुगेको छैन । घटनास्थल मुस्ताङको सदरमुकामबाट गाडिमा ३ घण्टाको दुरीमा रहेको छ ।