धौलागिरी गाउँपालिकाको केन्द्रमा हिँडेका कार्यकारी प्रमुख सहितको टोलिलाई यसरी भयो अबरोध (फोटो सहित)

म्याग्दी, १ चैत । सरकारले घोषणा गरेको नयाँ स्थानीय तह अन्र्तगत म्याग्दीको धौलागिरी गाउँपालिकाको केन्द्र सुभारम्भ गर्न हिँडेको टोलिलाई ताकमबासीले अबरोध गरेका छन् । धौलागिरी गाउँपालिकाको केन्द्र ताकम हुनुपर्ने भन्दै आन्दोलित बनेका स्थानीयले आयोग र सरकारले अबैज्ञानिक तवरले गाउँपालिकाको केन्द्र मुना तोकेको भन्दै सो टोलिलाई आज विहान करिब ११ बजेदेखि अबरोध गरेका हुन् ।

   

जिल्ला समन्वय समिती मार्फत गाउँपालिका केन्द्रको कार्यकारी प्रमुखको रुपमा खटिएका सोमबहादुर खत्री सहित गाउँपालिकाको वडा सचिबहरुको टोलि मुना जाँदै गर्दा उनीहरुलाई ताकमबासीले कालोझण्डा पर्दशन सहित टोलि सवार जिपलाई अबरोध पु¥याएका थिए ।

स्थानीयको अबरोधको कारण आफुहरु ताकमबाट फर्किएर धारापानीमा आएर बसेको गाउँपालिकाका कार्यकारी प्रमुख सोमबहादुर खत्रीले बताउनुभयो ।

उहाँका अनुसार ताकमबासीले गाउँपालिकाको केन्द्र ताकम हुनुपर्ने भन्दै उक्त टोलिलाई ज्ञापन पत्र समेत बुझाएका छन् । ज्ञापन पत्रमा भौगोलिक भु–बनोट, बस्ती विकासको सम्भावना र जनतालाई प्रशासनिक सुगमताको कारण धौलागिरी गाउँपालिकाको केन्द्र ताकम बनाउनुपर्ने माग गरिएको छ ।

स्थानीयको अबरोधबारे जिल्लामा खवर गरेपछि जिल्लाबाट शुरक्षाकर्मी सहितको टोलि खटाउने र सोही टोलि आर्फत आजै गाउँपालिकाको केन्द्र स्थापना गर्ने तयारी भईरहेको बताइएको छ ।

तत्कालिन स्थानीय तह पुनर्संरचना प्राविधिक सहयोग समिती र जिल्ला स्थित राजनितीक दलहरुले धौलागिरी गाउँपालिकाको केन्द्र ताकम /मुना गराउन प्रस्ताब गरेको थियो भने आयोगले अस्थायी केन्द्रको रुपमा मुनालाई तोकेपछि ताकमक्षेत्रका बासिन्दाहरु निरन्तर आन्दोलित बनीरहेका छन् ।

ताकमबासीले गाउँपालिकाको केन्द्र स्थापनाको लागि हिँडेको टोलिसंग रहेको गाउँपालिकाको केन्द्र मुना लेखिएको लेटरप्याडलाई समेत जलाएका छन् । त्यस्तै जिल्लाको रघुगंगा गाउँपालिकामा समेत केन्द्रको विवादले निर्वाचन र गाउँपालिका कार्यान्वयन अनिश्चित बनेको छ ।

तस्बिरः गोपाल आचार्य, ताकम