गलेश्वरमा भएको ट्याक्टर दुर्घटनामा दुई जनाको मृत्यु

म्याग्दी, २१ फागुन । म्याग्दीको बेनी नगरपालिका–९ गलेश्वरमा आज भएको ट्याक्टर दुर्घटनामा परि २ जनाको मृत्यु भएको छ ।गलेश्वरदेखि बेनी आउँदै गरेको ग १ त २५५८ नम्बरको ट्याक्टर गलेश्वरमा निर्माणधिन बसपार्क नजीकैबाट कालिगण्डकी नदीमा खसेको थियो ।

दिउँसो करिब साढे ३ बजे भएको उक्त दुर्घटनामा परि शक्त घाईते भएका चालक रघुगंगा गाउँपालिका– ३ का राम विक र सवार बेनी नगरपालिका–९ गलेश्वर बस्दै आएका गणेश कार्कीको उपचारको क्रममा जिल्ला अस्पताल बेनीमा निधन भएको जिल्ला ट्राफिक प्रमुख शिव प्रसाद पाठकले जानकारी दिनुभयो।

सडकबाट खसेको ट्याक्टरको आधा भाग नदीको बिच भागमै पुगेको छ । तिब्र गतिको कारण दुर्घटना भएको प्रहरीको अनुमान छ ।