रघुगंगा माविलाई मोना स्पेनबाट रु ६३ हजार सहयोग

म्याग्दी, १५ फागुनस । म्याग्दीको रघुगंगा गाउँपालिका–३ पिप्लेमा रहेको रघुगंगा माध्यमिक विद्यालयको शैक्षिक विकासको लागि मोना स्पेनबाट आर्थिक सहयोग भएको छ । मोना स्पेनका महासचिब चन्द्रबहादुर शाहीको अग्रसरतमा संकलन भएको रु ६३ हजार सहयोग विद्यालयमा आयोजित एक कार्यक्रमका बिच हस्तान्तरण गरिएको हो । मोना स्पेनका महासचिब शाहीले सो अवसरमा आफ्नो आमा भिमकुमारी शाही मार्फत रु २० हजार समेत विद्यालयलाई प्रदान गर्नुभएको थियो ।

सहयोगदाता शाहीले विद्यालयका अध्यक्ष खिमबहादुर शाही , प्रअ रमेश सिंह ठकुरी र वडा अध्यक्ष जीवनकुमार मल्ललाई सो सहयोग रकमल हस्तान्तरण गर्नुभएको थियो । विद्यालयको शैक्षिक गुणस्तर सुधारमा सहयोग पुगोस भन्ने उदेश्यले उक्त सहयोग गरिएको सहयोगदाता शाहीले बताउनुभयो ।

विद्यालयका पूर्व विद्यार्थी एवम पूर्व सल्लाहकार सदस्य समेत रहेका शाहीले प्रवासबाट जुटाएको सहयोगले विद्यालयलाई राहत मिलेको भन्दै विद्यालयका प्रअ ठकुरी, व्यवस्थापन समिति अध्यक्ष शाही र वडा अध्यक्ष मल्लले सहयोगदाताहरुलाई धन्यबाद ज्ञापन गर्नुभएको थियो ।