चक्कु प्रहारबाट एक जना घाईते

बेनी २८ माघ । म्याग्दीको सदरमुकाम बेनीमा आईतबार दिउँसो चक्कु प्रहारबाट एक जना घाइते भएका छन् । बेनपा ८ मा रहेको म्याग्दी सिनेमा घरको परिसरमा चक्कु प्रहार हुँदा धौलागिरी गाउँपालीका ७ धारापानीका २२ वर्षिय गणेश खत्री घाइते भएको जिल्ला प्रहरी कार्यालयले जनाएको छ ।

घटनास्थलबाट चक्कु प्रहार गर्ने २२ वर्षिय किरन ठकुरीलाई हतियार सहित नियन्त्रणमा लिएर अनुसन्धान सुरु गरेको प्रहरी निरीक्षक लोकबहादुर गुरुङले जानकारी दिनुभयो ।

ओठ र अनुहारमा चोट लागेका खत्रीको सञ्जिवनी हस्पीटलमा प्राथमिक उपचार पछि बेनी अस्पतालमा उपचार गरिएको छ । बेनीमा करिब एक महिना अघि सञ्चालीत महोत्सवको रिसीइवीका कारण चक्कु प्रहारको घटना भएको प्रारम्भिक अनुसन्धानबाट खुलेको प्रहरीले जनाएको छ ।