बाल विकासको विषयमा लिटील गार्डेन एकेडेमीका अभिभावकलाई अभिमुखीकरण

म्याग्दी, ३ पुस । बेनीमा रहेको लिटील गार्डेन एकेडेमीको आयोजनामा सोमबार बालविकासमा अभिभावकको भुमिका विषयक अभिमुखीकरण कार्यक्रम सम्पन्न भएको छ ।

सो कार्यक्रममा टिसी स्टार प्रा.लीका शिक्षा तथा मनोविद रमेश पराजुलीले पढाईमा रुची निर्माण र वातावरण व्यवस्थापनको विषयमा प्रशिक्षण दिनुभएको थियो । डेढ सय जना अभिभावकहरु कार्यक्रममा सहभागी थिए ।

विद्यालयका प्रिन्सीपल खुमबहादुर केसीको सञ्चालनमा सम्पन्न कार्यक्रममा संस्थापक निर्देशक बालकृष्ण सुवेदीले सक्षम, सभ्य र संस्कारयुक्त जनशक्ति तयार पार्न अभिभावक र घरायसी वातावरणको महत्वपूर्ण भुमिका रहने बताउनुभयो ।