जिविस म्याग्दीमा दोहोरो तालाबन्दी

म्याग्दी १९ फागुन । स्थानीय तह पुनसंरचनाका क्रममा प्रस्तावीत दुई वटा गाउँपालीकाको केन्द्रको विषयमा देखिएको बिवादका कारण जिविसको कार्यालय म्याग्दीमा दोहोरो तालाबन्दि भएको छ । मौवाफाँटमा केन्द्र कायम गर्नुपर्ने माग गर्दै रघुगंगा गाउँपालीका नागरीक आन्दोलन संघर्ष समितिले तालाबन्दि लगाएको जिविसको कार्यालयमा ताकमलाई केन्द्र बनाउनुपर्ने माग गर्दै आएका धौलागिरी गाउँपालीका संघर्ष समितिले अर्को ताला लगाएका छन् ।

राज्य पुनसंरचना आयोगले बहुसंख्यक बासिन्दालाई असुबिधा हुनेगरी धौलागिरीको मुना र रघुगंगाको पाखापानीमा अस्थाई केन्द्र कायम गरेको भन्दै उनिहरु संघर्ष समिति गठन गरेर आन्दोलनमा उत्रिएका हुन् । आयोगले गाउँपालीका केन्द्र रहने गाविसमा उच्च मावि तहको विद्यालय, भवन लगायतका पुर्वाधार रहनुपर्ने लगायतका मापदण्ड विपरीत केन्द्र कायम गरेको धौलागिरी गाउँपालीका संघर्ष समितिका अगुवाहरुले बताएका छन् ।

तत्कालीन जिल्ला प्राबिधिक सहयोग समितिले धौलागिरी गाउँपालीकाको केन्द्र ताकम वा मुना कायम गर्न सिफारीस गरेको थियो ।
संघर्ष समितिले गाउँपालीकामा समेटिएका गाविसको कामकाज ठप्प पार्ने, दरवाङ मुना सडकको ताकम खण्डमा चक्काजाम गर्ने, यथास्थितीमा चुनाव भए बहिस्कार गर्ने, दल र भातृ संगठनबाट राजीनामा दिएर दलविहीन गाविस घोषणा गर्ने चेतावनी दिएका छन् ।

तालाबन्दिका कारण जिविसको विकास निर्माण सम्बन्धि कामकाज र अन्य सेवा प्रवाह ठप्प भएको छ । जिल्ला परिषद्को तयारीका लागि विषयगत समितिको बैठक समेत अन्य कार्यलयमा बसेको छ । जिविसका कर्मचारी दिनभर कार्यलय परिसर बाहिर बसेका छन् ।
यस्तै रघुगंगा गाउँपालीका नागरीक आन्दोलन संघर्ष समितिले बुधबार जिल्ला निर्वाचन कार्यालयमा लगाएको ताला बिहीबार प्रहरीले तोडेर कामकाज सूचारु गराएको छ ।

यसैगरी व्यवस्थापीका संसदमा प्रतिनिधित्व गर्नुहुने म्याग्दीका सांसद, राजनितिक दल र सरकारी अधिकारीहरुको बिहीबार बसेको बैठकले म्याग्दीमा थप एक वटा गाउँपालीका थप गर्न आयोगमा पहल गर्ने निर्णय गरेको छ । केन्द्रको बिवाद देखिएको रघुगंगा गाउँपालीकालाई २ वटा बनाउन पहल गर्ने निर्णय भएको सांसद तथा पुर्वराज्यमन्त्रि नरदेवी पुनले बताउनुभयो । कुन कुन गाविसलाई अलग्गै गाउँपालीका बनाउने भन्ने विषयमा भने निर्णय नभएको उहाँले बताउनुभयो ।

स्थानीय विकास मन्त्रालय र आयोगले प्रदेश नम्बर २ मा स्थानीय तह थप गर्ने गृहकार्य गरेको अवस्थामा म्याग्दीको समस्या समाधानका लागि पहल गर्ने नेता तथा सांसदहरुको भनाई छ । यसअघि म्याग्दीमा एक नगरपालीका र पाँच गाउँपालीका सिफारीस गरिएको थियो ।