खेलकुद विकास समितिको शुभकामना आदानप्रदान कार्यक्रम

म्याग्दी, ६ असोज । जिल्ला खेलकुद विकास समिती म्याग्दीको आयोजनामा शुक्रबार बेनीमा बिजया दशमी तथा दिपावली पर्वको अवसरमा शुभकामना आदानप्रदान कार्यक्रम सम्पन्न भएको छ । कार्यक्रममा सहभागीहरुले सामाजिक महत्वका चाडपर्वलाई तडकभडक नगरीकन सभ्य र सुरक्षित रुपमा मनाउनुपर्नेमा जोड दिएका थिए ।

जिल्ला समन्वय समितिका प्रमुख देवेन्द्र केसी, बेनी नगरपालीकाका प्रमुख हरिकुमार श्रेष्ठ, प्रजिअ कृष्णप्रसाद अधिकारी, नगर उपप्रमुख सञ्जु बरुवाल लगायत जनप्रतिनिधी, कार्यालय प्रमुख, समितिका पुर्व अध्यक्ष, खेलाडीहरुको कार्यक्रममा सहभागिता रहेको थियो । समितिका अध्यक्ष कृष्णकुमार विश्वकर्माको अध्यक्षता र सदस्य लेखनाथ शर्माको सञ्चालनमा कार्यक्रम सम्पन्न भएको थियो ।