नवआगन्तुक प्रजिअ अधिकारीले पत्रकारसंग अन्तक्रिया

म्याग्दी, ३१ साउन । म्याग्दीमा नवआगन्तुक प्रजिअ कृष्णप्रसाद अधिकारीले म्याग्दी क्रियाशिल पत्रकारसंग भेटघाट गर्नुभएको छ। सरुवा भएर म्याग्दी आउनुभएका प्रजिअ अधिकारीले जिल्लाको गतिविधि जानकारी लिन पत्रकारसंग मंगलबार भेटघाट गर्नुभएको हो ।

जिल्लाको भौगोलिक बनावट अनुसार रहेर प्रशासनको क्षेत्र भित्रको अधिकार प्रयोग गरि जनताको सेवा गर्ने प्रजिअ अधिकारीले प्रतिबद्धता जनाउनुभएको थियो । प्रशासनको विगतका राम्रा कामलाई निरन्तरता र कमजोर पक्षलाई सुधार गर्न सबैको सहयोग तथा सुझाव महत्वपुर्ण हुने बताउनुभएको थियो । जिल्लाको हरेक गतिविधि पत्रकारसंग नजिक भएर जनताको चाहनाअनुसार सेवाप्रवाह गर्ने हुदाँ यहाँहरुको साथ तथा सुझाव सल्लाह आवश्यक रहेको बताउनुभएको थियो । जिल्लाको विपत ब्यवस्थापन तयारी, यातायातको भाडादर कायम गर्न, अनुगमन लगायत पक्षलाई सुधार गर्न सबै मिलेर सम्भव भएको हुदाँ यसलाई प्रभावकारी बनाउन लागि पर्ने बताउनुभएको थियो । जिल्लाको दिगो विकास र प्रभावकारी सेवा प्रवाहमा सबैको भूमिका नङ र मासुको जस्तै हुने बताउनुभएको थियो ।

नेपाल पत्रकार महासंघ म्याग्दी शाखाका अध्यक्ष तारानाथ शर्माले जिल्लाको भौगोलिक, अनुसार सामाजिक आर्थिक लगायतका गतिविधि तथो प्रशासनको विगतको सेवाप्रवाहबारे प्रजिअ अधिकारी समक्ष जानकारी गराउनुभएको थियो । भेटघाट कार्यक्रममा जिल्लाका क्रियाशिल पत्रकारको उपस्थित भएको थियो ।