बस्ती माथिबाट पहिरो खस्न थालेपछि सुर्केमेलाका बासिन्दा त्रसीत

म्याग्दी, २९ साउन । बेनी नगरपालीका ४ सुर्केमेलामा बस्ती माथिबाट पहिरो खस्न थालेपछि स्थानीय बासिन्दा त्रसीत भएका छन् । बेनी नगरपालीका ३ राखुको डाँडाबाट सुर्केमेला गाउँको सिरानमा आईतबार बिहानदेखि पहिरो खस्न थालेको हो ।

अहिले पहिरो गाउँसम्मनै नआएपनी निरन्तर खस्ने हो भने असर गर्ने सुर्केमेलाका प्रेम क्षेत्रीले बताउनुभयो । गाउँ माथिको जंगलमा खसेको पहिरो रेलो बनेर बगिरहेको छ । सुर्केमेलामा बिस भन्दा बढी घरधुरीको बसोबास छ ।

स्थानीय बासिन्दाले सर्तकता अपनाएका छन् । आईतबार बिहानै स्थानीय बासिन्दा र अगुवाहरुको एक टोलीले पहिरो खसेको ठाउँका स्थलगत निरीक्षण समेत गरेको थियो ।