म्याग्दी उद्योग वाणिज्य संघद्वारा प्रजिअ पौडेलको बिदाई

म्याग्दी, २८ साउन । म्याग्दी उद्योग वाणिज्य संघले सरुवा भएका प्रमुख जिल्ला अधिकारी राजुप्रसाद पौडेलको बिदाई गरेको छ । जिल्लाको प्रमुख पदमा रहेर ७ महिना सेवा गरेका प्रजिअ पौडलेको म्याग्दी उद्योग बाणिज्य संघले शनिबार सम्मान गरेको हो ।

म्याग्दी उद्योग वाणिज्य संघ म्याग्दीका अध्यक्ष जीवनकुमार विश्वकर्माको अध्यक्षता तथा स्वागत मन्तव्य रहेको सम्मान कार्यक्रममा प्रमुख अतिथि प्रमुख जिल्ला अधिकारी राजुप्रसाद पौडेलले म्याग्दी जिल्लाको प्रमुख पदमा ७ महिना रहेर सेवा गर्ने अवसरलाई जिल्लाबासीको सहयोगले सरल र सफल रुपमा विताउन सहयोग गर्नुभएकोमा आभार ब्यक्त गर्नुभएको थियो । जिल्लाको प्रमुख पद समालेर स्थानीय निर्वाचनलाई सफल रुपमा सम्पन्न गर्न सहयोग गर्ने कार्यालय, संघसस्था जिल्लाबासीलाई जुन क्षेत्रमा रहेपनि सम्झिरहेने बताउनुभयो ।

महासचिव राजेश शाक्यको संचालनमा भएको सम्मान कार्यक्रममा उद्योग बाणिज्य संघको पुर्व अध्यक्ष सुर्दशनकुमार श्रेष्ठ, कुबिरकुमार श्रेष्ठ र बेनी नगरपालिका ८ का वडा अध्यक्ष रामकृष्ण बराईली मन्तव्य र उद्योग बाणिज्य संघका सदस्यहरुको उपस्थित रहेको कार्यक्रमको समापन बरिष्ठ उपाध्यक्ष उत्तम कर्मचार्यले गर्नुभएको थियो ।

 

पहिलो चोटी प्रमुख पद समालेर माघ ४ गते म्याग्दी जिल्ला आउनुभएका प्रमुख जिल्ला अधिकारी पदमा रहेर सात महिना विताएका पौडेलको अध्यागमन विभागमा सरुवा भएको छ ।