बेनी साप्ताहिक पत्रिको तेस्रो बार्षिकोत्सव

म्याग्दी, २१ साउन । बेनी साप्ताहिक पत्रिकाले तेस्रो बाषिकोत्सव मनाएको छ । स्थापनाकाल देखि निरन्तर प्रकाशित भएको पत्रिकाले तेस्रो बर्षमा प्रवेश गरेको अवसरमा कार्षिकोत्सव तथा सम्मान कार्यक्रम आयोजना गरेको हो ।

२०७२ साल जेठ ४ गतेबाट संचालन भएको पत्रिकाले तेस्रो बार्षिकोत्सवसम्म पत्रिकालाई ल्याउन सहयोग गर्ने पत्रकार , कर्मचारी विज्ञापन दाँतालार्ई सम्मान गरेको थियो । पत्रिका प्रकाशन देखि अहिलेसम्म सहयोग गर्ने पत्रकार हरिकृष्ण गौतम, प्रताव बाँनिया, बासुदेव घिमिरे, प्रबन्धक सावित्रि सुवेदी, परोपकारी संस्था ओमकुमारी शान्ति कोषलाई बार्षिकोत्सवको अवसरमा प्रमुख अतिथि मेयर हरिकुमार श्रेष्ठद्धारा सम्मान गरिएको थियो ।

बार्षिकत्सव तथा सम्मान कार्यक्रमलाई सम्वोधन गर्दै प्रमखु अतिथि बेनी नगरपालिकाका मेयर हरिकुमार श्रेष्ठले बेनी नगरपालिका तथा जिल्लाकोे समृद्धिको लागि संचार माध्यम र आवद्ध पत्रकारको भूमिका महत्वपुर्ण हुने बताउनुभयो । स्थापनाकाल देखि यस पत्रिकाले जिल्लाको विकास तथा आर्थिक क्रान्तिमा सहयोग गरेको हुँदा यसलाई निरन्तरता दिन आग्रह गर्नुभएको थियो ।

कार्यक्रममा उप– मेयर सन्जु बरुवाल, पत्रकार महासंघका अध्यक्ष, तारानाथ शर्मा, नेपाली काग्रेसका सचिव क्याप्टेन मिन कार्की, नेकपा एमाले जिल्ला अध्यक्ष हरिकृष्ण श्रेष्ठ, राप्रपाका जिल्ला अध्यक्ष विरबहादुर थापा, रघुगंगा गाउँपालिका अध्यक्ष विरबहादुर थापा, ओमकुमारी शान्ति कोषका अध्यक्ष राजेश शाक्य र प्रेसयुनियनका सभापति गोपाल छन्त्याल लगायतले पत्रिकाले स्थापनाकालदेखि लिएको उद्देश्यलाई साकार पार्न हरेक क्षेत्रबाट सहयोग गरिनेमा जोड दिनुभएको थियो ।

कार्यक्रममा पत्रिका प्रकाशक÷सम्पादक धुव्रसागर शर्माको अध्यक्षता र प्रबन्धक सावित्रि शर्माको संचालनमा सम्पन्न कार्यक्रममा विभिन्न संचार माध्यममा आवद्ध पत्रकार तथा निर्वाचित जनप्रतिनिधिहरुको उपस्थित रहेको थियो ।