पात्लेखेतका पहिरो पिडितलाई युएईबाट सहयोग

बेनी ३० कात्तिक । बेनी नगरपालीका १० पात्लेखेतका पहिरो पिडितहरुको सहयोगका लागि स्थापित कोषमा युएईबाट आर्थिक सहयोग प्राप्त भएको छ ।

म्याग्दी प्रवासी नेपाली संघ (मोना) युएईको पहलमा संकलित तिस हजार रुपैया विपद् व्यवस्थापन समितिका संयोजक तथा वडा अध्यक्ष रिम रोकालाई हस्तान्तरण गरिएको हो । मोना युएईका प्रतिनिधि रामु रकालले उक्त रकम वडा अध्यक्ष रोकालाई हस्तान्तरण गर्नुभएको हो ।

पात्लेखेतको बान्द्रेका पहिरो पिडितहरुको सहयोगका लागि स्थापित कोषमा स्थानीयबासी र विश्वका विभिन्न देशमा पुगेका पात्लेखेतबासीहरुबाट आर्थिक सहयोग प्राप्त हुने क्रम जारी छ । हालसम्म पाँच लाख रुपैया भन्दा बढी सहयोग जुटेको छ । बान्द्रेखाल्टी पहिरोका कारण पात्लेखेत गाउँ जोखिममा परेको छ ।