टिकोटमा बोलेरो दुर्घटना हुँदा एक जना सक्त घाईते, तीन जनाले हाम फोलेर ज्यान जोगाए

म्याग्दी, ३० साउन ।  म्याग्दीको अन्नपूर्ण गाउँपालिका–७ टिकोटमा सामान लोड गर्दै गरेको बोलेरो दुर्घटना हुँदा एक जना सक्त घाईते हुनुभएको छ । आज विहान टिकोटबाट बेनीतर्फ आउन लागेको ग १ ज ७९४५ नम्बरको बोलेरो भिरालो सडकबाट पछाडी गुडेपछि भिरबाट खसेको थियो ।
दुर्घटनामा परेर स्थानीय भिमबहादुर पुन घाइते हुनुभएको छ । बोलेरोसंगै खस्नुभएका पुनको गाउँमै प्राथमिक उपचार गरेर थप उपचारको लागि बेनी पठाइएको स्थानीय शिक्षक प्रदिप पुनले बताउनुभयो । टिकोट गाउँको खेलमैदान नजिक बोलेरोमा चालक केशब पुन र स्थानीय कुमार पुनले सामान राख्दै गरेको समयमा भिरालो सडकमा गाडी पछाडी गुडेपछि दुर्घटना भएको थियो ।
सामान राख्दै गरेका दुबै जना र बोलेरोभिर सवार स्थानीय बिरबहादुर गर्बुजाले हाम फालेर बाहिर निस्किन सफल भएका थिए । उनीहरुलाई सामान्य चोटपटक लागेको र गाउँमै उपचार गरिएको छ । सडकमा बोलेरो रोकेर टायरमा ढुंगाको ओट समेत लगाएको भएपनि एक्कासी पछाडी बगेपछि दुर्घटना भएको चालक पुनले बताउनुुभयो ।