गलेश्वरधामका ज्येष्ठ नागरिक आश्रमलाई सहयोग

बेनी नगरपालिका–९ गलेश्वरधाममा रहेको ज्येष्ठ नागरिकहरुलाई लोयल रोयल स्पोष्र्टसमा आबद्ध युवायुवतीहरुले सहयोग गरेका छन् । समहुकी रोश्ना थापाको जन्मदिनको अवसरमा रोट्याक्ट क्लब पूर्वि चितवनको सहयोगमा ज्येष्ठ नागरिक आश्रमलाई खाद्यान्न र ज्येष्ठ नागरिकहरुलाई फलफुल र नगद सहयोग गरेका हुन् । भ्रमणको सिलसिलामा गलेश्वर क्षेत्रमा आएका युवायुवतीहरुले ज्येष्ठ नागरिक आश्रममा सहयोग गर्दा आफुहरुलाई खुसी लागेको बताएका थिए । उनीहरुले ज्येष्ठ नागरिक आश्रमका अध्यक्ष बम बहादुर पुन, कार्यालय सचिब सिता चोखाल लगायतको उपस्थितिमा उक्त सहयोग हस्तान्तरण गरेका थिए । ज्येष्ठ नागरिक आश्रममा ४८ जना ज्येष्ठ नागरिकहरु बसोबास गर्दै आउनुभएको छ ।