बेनीमा रिजाल बन्धु सेवा समाजको प्रथम जिल्ला सम्मेलन हुने

म्याग्दी १३ जेठ । रिजाल बन्धु सेवा समाज म्याग्दीको प्रथम जिल्ला सम्मेलन हुने भएको छ । जेठ १५ गते जिल्ला सदरमुकाम बेनीमा समाजको पहिलो जिल्ला सम्मेलन आयोजना गरिएको हो । सम्मेलनको तयारीलाई अन्तिम चरणमा पु¥याइएको रिजाल बन्धु सेवा समाज म्याग्दीका अध्यक्ष भिमबहादुर रिजालले जानकारी दिनुभयो । उहाँका अनुसार, बेनी स्थित क्षत्रि समाजको सभाहलमा हुने सम्मेलनमा म्याग्दीका विभिन्न ठाउँमा बसोबास गर्ने  तथा  म्याग्दी पूर्ख्यौली ठाउं भै विभिन्न जिल्ला या ठाउंमा बसोबास गर्नुहुने  रिजाल बन्धुहरुले सहभागीता जनाउने छन् । सम्मेलनलाई रिजाल बन्धु सेवा समाजका केन्द्रीय अधक्ष्य अच्युत प्रसाद रिजाल, रिजाल बम्साबलि अनुसन्धान केन्द्रका महासचिव राजाराम रिजाल लगायतले समेत सम्बोधन गर्ने जनाइएको छ । सम्मेलनमा ८४ बर्ष उमेर पार गरेका ज्येष्ठ नागरिकहरुलाई सम्मान समेत गरिने समाजका सचिब लालबहादुर रिजालले जानकारी दिनुभयो । जिल्लामा छरिएर रहेका रिजाल बन्धुहरुलाई एकिकृत गर्ने उदेश्यले सम्मेलनलाई सफल बनाउन विभिन्न उपसमिति मार्फत तयारीलाई तिब्रता दिईएको जनाइएको छ ।