बागलुङदेखि पोखरा तर्फ जाँदै गरेको जीप पर्वतको तमादी खोलाले बगाउँदा तीनजना बेपत्ता

पर्वत १३ असोज । बागलुङदेखि पोखरा तर्फ जाँदै गरेको ग १ ज ६२१३ नम्बरको जीप पर्वतको तमादी खोलाले बगाउँदा जीप सहित जीपमा सवार तीन जना यात्रु बेपत्ता भएका छन् ।

पर्वतको वडा न ७ र ८का सिमामा रहेको तमादी खोलामा शनिबार साँझ आएको बाढीले बगाउँदा जीप सहित तीन जना यात्रु बेपत्ता भएको श्याम बोहोराले बताए । बाढीले जीप नै बगाएपछि चालकले भने हाम फालेर ज्यान जोगाउन सफल भएको प्रहरीले जनाएको छ । चालक अहिले प्रहरी नियन्त्रणमा छन् । बेपत्ता हुने व्यक्तिहरुको परिचय खुल्न सकेको छैन । शसस्त्र प्रहरी र नेपाल प्रहरीले बेपत्ता यात्रु र जीपको खोजी गरिरहेको छ ।